તાપીમિત્ર ન્યુઝ,વાલોડ:વાલોડ તાલુકાનાં અલગટ ગામના સરદાર ફળિયામાં મૂકવામાં આવેલ પાંજરામાં આજરોજ 6 વર્ષીય કદાવર દીપડો પાંજરે પુરાતા વનવિભાગની ટીમે દીપડાનો કબ્જો લઈ જંગલમાં છોડવાની તજવીજ હાથ ધરી છે.મળતી માહિતી અનુસાર તાપી જિલ્લાના વાલોડ તાલુકો જાણે દીપડાનું અભ્યારણ બન્યું છે.છેલ્લા થોડા સમયમાં અનેક દીપડાઓ પાંજરે પુરાયા હતા આમછતાં ગામમાં દીપડા નજરે પડતાં વનવિભાગ દ્વારા પાંજરું મુકવામાં આવ્યું હતું.અલગટ ગામની સીમમાં આવેલ ખેતરમા મુકવામાં આવેલ પાંજરામાં મારણનો શિકાર કરવા જતાં આજરોજ 6 વર્ષીય નર દીપડો પાંજરે પુરાયો હતો.બનાવ અંગે વાલોડ વનવિભાગ રાઉન્ડ ફોરેસ્ટર પંકજભાઈ ચૌધરીને જાણ થતા ફ્રેન્ડસ ઓફ એનિમલ વેલ્ફેર ટ્રસ્ટના સભ્ય ઈમરાન વાડી તથા અન્ય સભ્યોએ ભેગા મળી 6 વર્ષીય નર દીપડાનો કબ્જો મેળવી દીપડાને જંગલમાં છોડવાની તજવીજ હાથ ધરી હોવાનું જાણવા મળ્યું છે.