તાપીમિત્ર ન્યુઝ,નિઝર:કુકરમુંડાના ચીરમટી ગામે સસરા અને અન્ય બે ઇસમોએ ભેગા મળી જમાઈને ઢીકામૂકીનો મારમારતા જમાઈનું સારવાર દરમિયાન મોત નીપજ્યું હોવાનું બનાવ નિઝર પોલીસ મથકે રજીસ્ટર થયો છે.જેને લઇ પંથકમાં ચકચાર મચી જવા પામી છે,આ મામલે પોલીસે સસરા સહિત કુલ ત્રણ જેટલા ઈસમો વિરુધ્ધ ગુન્હો રજીસ્ટર કરી તપાસ શરૂ કરી હોવાનું જાણવા મળ્યું છે,સુત્રો પાસેથી મળતી માહિતી મુજબ તાપી જીલ્લાના છેવાડે આવેલ કુકરમુંડા તાલુકાના ચીરમટી ગામે તા.૨-જાન્યુઆરી ૨૦૧૮ નારોજ,વસનભાઈ કચર્યાભાઈ વસાવા રહે,જાવલી,તા-સાગબારા,જી-નર્મદા નાએ ગણેશભાઈ પાડવીને “મારી દીકરીને કેમ હેરાન કરે છે”તેમ કહી ગણેશભાઈ ઘરના દરવાજા પાસે નીચે બેઠા હતા વેળાએ વસનભાઈ વસાવા તેમજ બીજા બે માણસોએ મળી ઢીકામૂકીનો માર મારી ગણેશને નીચે પાડી દેતા સારવાર અર્થે ખસેડવામાં આવ્યો હતો,જ્યાં ગણેશભાઈ કેસરસિંગભાઈ પાડવીનું સારવાર દરમિયાન મોત નીપજ્યું હતું,બનાવ અંગે ગણેશભાઈની બહેન સરલાબેન કેસરસિંગભાઈ પાડવીની ફરિયાદને આધારે ઈપીકો કલમ ૩૦૨,૧૧૪ મુજબ ગુન્હો રજીસ્ટર કરી સમગ્ર મામલે આગળની વધુ તપાસ નિઝર પોલીસ સ્ટેશનના પીએસઆઈ આર.સી.વસાવા કરી રહ્યા છે,