તાપીમિત્ર,સોનગઢ:"આજથી આપણો પ્રેમ સબંધ નહિ"જવાબ સંભાળી ૧૯ વર્ષીય યુવકે ઝેરી દવા ગટગટાવતા મામલો સોનગઢ પોલીસ મથક સુધી પહોંચ્યો હતો.બનાવ અંગેની જાણ સરકારી હોસ્પિટલના ડોકટર દ્વારા કરવામાં આવી હતી. તાપી જિલ્લાના અતિ છેવાડે આવેલ સોનગઢ તાલુકાના વાદીરૂપગઢ ગામના નિશાળ ફળિયામાં રહેતા એક ૧૯ વર્ષીય યુવક રાણીઆંબા ગામમાં રહેતી એક યુવતીના પ્રેમ માં પડ્યો હતો.યુવતી જોડે તેની ટેલિફોનિક થયેલી વાતચીતમાં યુવતીએ "હવે પછી આપણો પ્રેમ સબંધ નહિ " કહી પ્રેમ સબંધમાં બ્રેકઅપ કરતા યુવક બરદાસ્ત નહિ કરી શક્યો હતો.યુવતીની વાત તેને લાગી આવતા સાવરે આશરે ૧૦:૩૦ કલાકના અરસામાં યુવકે તેના ઘરના એક ખૂણામાં ઢોરના પાડીયાને પીવડાવવા માટે મૂકી રાખવામાં આવેલ ઝેરી દવા ગટગટાવી ગયો.યુવકની તબિયત લથડતા પરિવાર જનોએ ઇમરજન્સી સેવા ૧૦૮ ની મદદથી સોનગઢની સરકારી હોસ્પિટલમાં સારવાર અર્થે ખસેડાયો હતો.જ્યાં સારવાર દરમિયાન ફરજ ઉપર હાજર ડોકટરે બનાવ અંગે સોનગઢ પોલીસને જાણ કરી હતી.પોલીસે જાણવા જોગ ગુન્હો દાખલ કરી યુવતીનો જવાબ લઈ બનાવ અંગે આગળની વધુ તપાસ બીટ નંબર-૩ ના હેડ કોન્સ્ટેબલ ભાવેશભાઈ માનસિંગ કરી રહ્યા છે..