તાપીમિત્ર  ન્યુઝ,સોનગઢ:સોનગઢ-ઉકાઈ પર આવતું ગુણસદા ગામની સીમમાં આજરોજ બપોર ના સમયે પોલીસ દ્વારા વાહન ચેકિંગ હાથ ધરવામાં આવ્યું હતું.દરમિયાન એક કાળા કાચ વાળી ઈનોવા કાર નંબર એમએચ-06-એબી-9749 ને ઉભી રહેવા માટે પોલીસે ઈસારો કર્યો હતો,તેમછતાં ઈનોવા કાર રોકેટ ગતિએ ફરાર થઇ ગઈ હતી,પોલીસને શંકા જતા ઈનોવા કારનો ફિલ્મી ઢબે પીછો કર્યો હતો.તે વેળાએ ઉકાઈ-હિન્દુસ્તાન પુલ પાસ કરતા ઈનોવા કારનું પાછળનું એક વ્હીલ નીકળું ગયું હતું.પીછો કરી રહેલી પોલીસે ઘટના સ્થળ પર આવી કારમાં તપાસ કરતા ભારતીય બનાવટનો વિદેશીદારૂ ભારે માત્રમાં મળી આવ્યો હતો.કારમાં જુદીજુદી બનાવટની નાનીમોટી બાટલીઓ અને ટીન મળી કુલ નંગ 2664 ભારતીય બનાવટનો વિદેશીદારૂ ઈનોવા કાર માંથી ઝડપી પાડ્યો હતો.આ બનાવમાં કાર ચાલક અને ક્લીનર ફરાર થઇ ગયા હતા.ઉકાઈ પોલીસે ઈનોવા કારની કિંમત રૂ.6 લાખ અને વિદેશીદારૂ રૂપિયા 4,58,400/- મળી કુલ રૂપિયા 10,58,400/- નો મુદ્દામાલ જપ્ત કરી ફરાર થયેલા બુટલેગરનેશોધવા માટે ચક્રોગતિમાન કર્યા હતા.સમગ્ર મામલે આગળની વધુ તપાસ ઉકાઈ પોલીસ સ્ટેશનના પીએસઆઈ વી.આર.ભરવાડ કરી રહ્યા છે.