તાપીમિત્ર ન્યુઝ,સોનગઢ:તાપી જિલ્લામાં રીપોર્ટીંગની સાથેસાથે સેવાકીય પ્રવૃત્તિઓ કરતું તાપી જિલ્લા પત્રકાર સેવા સંઘ તરફથી જરૂરિયાતમંદ વ્યક્તિઓને ધાબળાનું વિતરણ કરવામાં આવ્યું હતું.તા.26મી ડીસેમ્બર નારોજ તાપી જીલ્લાના સોનગઢ નગરમાં સેવાકીય પ્રવૃતિઓના ભાગરૂપે તાપી જિલ્લા પત્રકાર સેવા દ્વારા મોડીરાત્રી ઠંડીના સમયે નગરના જુદાજુદા વિસ્તારમાં જેવા કે રેલ્વે સ્ટેશન,બસ સ્ટેન્ડ તેમજ નિરાધાર અને વૃદ્ધોને ગરમ ધાબળાનું વિતરણ કરવામાં આવ્યું હતું.આ બાબતે સંઘના પ્રમુખ દિપકભાઇ શર્માએ જણાવ્યું હતુકે,અગામી દિવસોમાં પણ વ્યારા સહિતના વિસ્તારમાં જરૂરિયાતમંદ વ્યક્તિઓને ધાબળાનું વિતરણ કરવામાં આવશે.મોડીરાત્રે ધાબળા વિતરણ દરમિયાન દીપકભાઈ શર્મા-પ્રમુખ,હરીશભાઈ શાહ-સ્થાપક પ્રમુખ,વિનાયકભાઈ જાધવ-મંત્રી તેમજ મહેશભાઈ પ્રજાપતિ-મહામંત્રી સહિતના આગેવાનો અને સભ્યો ઉપસ્થિત રહ્યા હતા.