ભરત શાહ દ્વારા તાપીમિત્ર ન્યુઝ,રાજપીપળા:નર્મદા જિલ્લાના સાગબારાના ધવલીવેર ગામ પાસેથી પાણીના બોરનો સામાન લઈ જતા સૂર્યકાન્ત ડીગમ્બરભાઇ વસાવાએ સામાન ભરેલી ગાડી પલટી ખવડાવતા એક શખ્સનું મોત નીપજ્યું હતું,સાગબારાના પીરમંડાળા ખાતે રહેતા સૂર્યકાન્ત વસાવા પોતાના કબજામાની બોલેરો પીકઅપ ગાડી નંબર MH-18-M-6242 લઇ ફરી રાજેશ ધીરસિંગ વસાવા તથા અન્યો સાથે પીરમંડાળા ગામેથી જાવલી ગામે બોર રીપેરીંગ કરવા માટે જતા હતા અને માટી કાઢવાનો સામાન ભુલી જતા એ લેવા જવા માટે પરત જતા ગાડીના ચાલાક સૂર્યકાંતે ધવલીવેર ગામ નજીક નાળા ઉપરથી પરત પીરમંડાળા જવા માટે ગાડી વાળવા જતા સ્ટેરીંગ પરનો કાબુ ગુમાવી દઇ ગાડીને નાળાની બાજુમા આવેલ ખાડામા પલટી મારી હતી.ગાડીની અંદર બેઠેલા જયસિંગ જીપાભાઈ વસાવા (ઉ.વ.45) નાઓ ઉપર લોખંડની પાઇપો તથા લોખંડનો સામાન પડતા નીચે દબાઇ જવાથી તેમનું મોત નીપજ્યું હતું,બનાવ અંગે રાજેશ વસાવાએ ગાડીના ચાલાક વિરુદ્ધ ફરિયાદ આપતા સાગબારા પોલીસે ગુનો નોંધી તપાસ હાથ ધરી છે..