તાપીમિત્ર ન્યુઝ,ઉચ્છલ:ઉચ્છલ તાલુકાના નારણપુર ગામની સીમ માંથી પસાર થતો સ્ટેટ હાઇવે માર્ગ ઉપર તા.૧૩મી ડીસેમ્બર નારોજ,અમેશભાઇ વિજાભાઇ કાથુડ રહે,સયાજીગામ,પીપળા ફળીયું,તા.ઉચ્છલ નાઓ પોતાના કબ્જાની હીરો સ્પ્લેન્ડર પ્રો મોટર સાઇકલ નંબર GJ-26-K-6918 લઈને પોતાનો મિત્ર ને બાઈક પાછળ બેસાડી નારણપુર ગામની સીમ માંથી પસાર થઇ રહ્યા હતા તેવેળાએ નારણપુર ગામ પાસે રોડની સાઈડમાં પંચર પડેલ ટ્રકની પાછળ ભટકતા અમેશભાઇ કાથુડના માથાના ભાગે ગંભીર ઈજા પહોચવાના કારણે સ્થળ ઉપર જ મોત નીપજ્યું હતું જયારે બાઈક પાછળ સવાર સુનીલભાઈ નામના શખ્સને શરીરે ઓછી-વત્તી ઇજાઓ પહોંચી હતી.બનાવ અંગે રવિદાસભાઇ નસાભાઇ વસાવા રહે,સયાજીગામ પીપળા ફળીયુ તા.ઉચ્છલ  જી.તાપી નાઓની ફરિયાદને આધારે ઉચ્છલ પોલીસ મથકે અકસ્માત મોત બનાવ રજીસ્ટર કરી આગળની વધુ તપાસ ઉચ્છલ પોલીસ સ્ટેશનના પીએસઆઈ પી.ડી.દવે કરી રહ્યા છે.