તાપીમિત્ર ન્યુઝ,સોનગઢ:સોનગઢ નગરમાં આવેલ દેવજીપુરા વિસ્તારમાં ગત તા.6-નવેમ્બર નારોજ જંબુભાઇ રૂવાભાઇ ગામીત (ઉ.વ.55) રહે,વાઘનેરા,ગામીત ફળીયું-સોનગઢ નાઓ પોતાના કબ્જાની હિરો સ્પ્લેન્ડર મોટર સાયકલ નંબર GJ-26-H-0476 ની પુર ઝડપે અને ગફલત ભરી રીતે હંકારી લઈ આવતા હોય તે વેળાએ રસ્તામાં સામેથી મોટી ગાડી આવતાં જેની લાઇટના અજવાળામાં તેની આંખો અંજાઇ જતાં સ્ટેરીંગ ઉપરનો કાબુ ગુમાવી દેતા મોટર સાયકલ સ્લીપ થઇ જતાં રોડની બાજુમાં પડી જવાના કારણે તેને માથામાં તેમજ શરીરે મુઢ ઇજા થતાં સારવાર અર્થે ખસેડવામાં આવ્યો હતો જ્યાં સારવાર દરમ્યાન તા.22મી નવેમ્બર નારોજ મોત નીપજ્યું હોવાનો બનાવ સોનગઢ પોલીસ મથકે રજીસ્ટર થયો છે,બનાવ અંગે જંબુભાઇ રૂવાભાઇ ગામીત ની પત્ની રેખાબેન તે જંબુભાઈ રૂવાભાઇ જાતે.ગામીત (ઉ.વ.53)રહે.વાઘનેરા,ગામીત ફળીયું,તા.સોનગઢ જી.તાપી ની ફરિયાદને આધારે અકસ્માત મોત બનાવ રજીસ્ટર કરવામાં આવ્યો હતો.