તાપીમિત્ર ન્યુઝ,સોનગઢ:સોનગઢ તાલુકાના અગાસવાણ ગામની એક યુવતી સોનગઢ તાલુકાના જ આમલી ગામે રહેતા વિજય સુરેશભાઈ ગામીત નામના યુવક સાથે સંપર્કમાં આવી હતી.આ વિજય ગામીતે 6 મહિના પહેલા યુવતીને લગ્ન કરવાની લાલચ આપી તેણી સાથે અગાસવાણ ગામના નિશાળ ફળિયામાં આવેલી નહેરની બાજુ માંથી પસાર થતા એક સૂમસામ કાચા રસ્તા પર વારંવાર યુવતીની મરજી વિરુદ્ધ જબરદસ્તી શરીર સંબંધ બાંધી દુષ્કર્મ આચરી યુવતીને ગર્ભવતી બનાવી હતી. ત્યારબાદ આ અંગે કોઈને કહેશે તો યુવતીને મારી નાંખવાની અથવા તો પોતે મરી જવાની ધમકી આરોપી યુવક આપતો હતો.આ બાબતે ભોગ બનનાર યુવતીએ સોનગઢ પોલીસ મથકે ફરિયાદ નોંધાવતા પોલીસે આરોપી વિજય ગામીત સામે ગુનો નોંધી વધુ તપાસ હાથ ધરી છે.(સાંકેતિક તસ્વીર)