તાપીમિત્ર ન્યુઝ,વ્યારા:વ્યારા તાલુકાનાં ખુશાલપુરા ગામની સીમ માંથી પસાર થતી ટ્રેન માંથી કોઈપણ રીતે પડી જવાના કારણે અજાણ્યાં યુવાનનું મોત નીપજયું હતું.આ અંગે મળતી માહિતી અનુસાર તાપી જિલ્લાના વ્યારા તાલુકાનાં ખુશાલપુરા લુભિયા ફાટક પાસે ગેટ નંબર ૪૪.૦/૨.૮ની બંગલીના પૂર્વ દિશા એ ૫૧/૩૬ થી ૫૧/૩૫ ના થાંભલા વચ્ચે રેલ્વે ટ્રેક ઉપરથી આજરોજ એટલેકે,૭મી ડિસેમ્બર ના રોજ વહેલી સવારે એક અજાણ્યો યુવાનનો મૃતદેહ મળી આવ્યો હતો.આ અજાણ્યો યુવાન કોઈ રેલ્વે ગાડી માંથી કોઈપણ રીતે પડી જવાના કારણે તેના માથામાં ગંભીર ઇજા થતાં તેમજ પીઠના પાછળના ભાગે તથા કુલા ના ભાગે છોલાઈ જતા તેનું સ્થળ પરજ મોત નીપજયું હતું.અજાણ્યો યુવાન આશરે ૨૫ થી ૩૦ વર્ષનો જણાતો હોય યુવાનના વાલી વારસની કોઈ ભાળ મળી શકી નથી.વ્યારા પોલીસ મથકે અકસ્માત બનાવ રજીસ્ટર કરી આગળની વધુ તપાસ હાથ ધરી છે.