તાપીમિત્ર ન્યુઝ,વ્યારા:રાજ્ય સરકાર દ્વારા આયોજીત ખેલમહાકુંભ-૨૦૧૮ અંતર્ગત યોજાયેલ વિવિધ રમતો પૈકી કબડ્ડી અંડર-૧૭ બહેનોની સ્પર્ધામાં વ્યારાની કે.કે.કદમ કન્યાવિદ્યાલય ની વિદ્યાર્થીનીઓએ ચેમ્પિયનશીપ મેળવી વ્યારાનું ગૌરવ વધાર્યું છે સાથેજ ગુજરાતમાં શાળાનો ડંકો વગાડ્યો છે અને શાળાનું નામ રોશન કર્યું છે,અમદાવાદ ખાતે યોજાયેલ આ સ્પર્ધાની ફાઇનલ મેચમાં પાટણની ટીમને પરાસ્ત કરી કે.કે.કદમ કન્યાવિદ્યાલય ચેમ્પિયનશીપ મેળવી હતી.શાળાની આ વિદ્યાર્થીનીઓને તૈયાર કરવા બદલ તેમના કોચ ઋજુતાબેન તનતોડ મહેનત કરી હતી.શાળાની મળેલ આ સિદ્ધિ બદલ શ્રી.ર.ફ.દાબુ કેળવણી મંડળ ના હોદ્દેદારો તથા શાળાના તમામ શિક્ષકોએ વિદ્યાર્થીનીઓને અભિનંદન પાઠવ્યા હતા.