સોનગઢના પીપળ ફળીયામાં ટેમ્પો અડફેટે એક 9 વર્ષીય બાળકીનું મોત નિપજ્યું હોવાનો બનાવ પોલીસ મથકે નોંધાયો છે.

 

 

 

 

મળતી માહિતી અનુસાર સોનગઢ-જુનાગામ પીપળ ફળીયામાં રહેતા રિટાયર્ડ આર્મી મેન આંનદભાઈ છગનભાઈ વાઘએ પોલીસ મથકે કરેલ  ફરિયાદ મુજબ શુક્રવારે મોડીસાંજે પીપળ ફળીયામાં ટેમ્પો નંબર જીજે/26/ટી/7028 ના ચાલકે પોતાના કબ્જાનો ટેમ્પો પુર ઝડપે અને ગફલતભરી રીતે હંકારી લઈ આવી આનંદભાઈ વાઘની 9 વર્ષીય દીકરી માનસી આંનદભાઈ વાઘને અડફેટમાં લીધી હતી જેના કારણે માનસીને શરીરે ગંભીર ઈજાઓ પહોંચવાના કારણે મોત નિપજ્યું હતું.

 

 

 

 

બનાવ અંગે મૃતક દીકરીના પિતાના ફરિયાદના આધારે પોલીસે ટેમ્પો ચાલક વિરુદ્ધ ગુનો દાખલ કરી વધુ તપાસ હાથ ધરી છે.