તાપીમિત્ર ન્યુઝ,ડોલવણ:ડોલવણ તાલુકાના બેડારાયપુરા ગામના આશ્રમ ફળિયાં પાસે માર્ગ પરથી ભારતીય બનવાટનો ઈંગ્લીશ દારૂના જથ્થા સાથે એક મહિલા અને યુવકને કાર સાથે ઝડપી પાડવામાં ડોલવણ પોલીસ જવાનોને સફળતા મળી છે,મળતી માહિતી અનુસાર તા.૧૬મી નવેમ્બર નારોજ ડોલવણના બેડારાયપુરા ગામના આશ્રમ ફળિયાં પાસે માર્ગ પર ગોલ્ડન કલરની ટાટા કંપનીની ઈન્ડિગો ફોરવ્હીલ ગાડી નંબર જીજે-૧૯-એમ-૧૬૯૨ માં તપાસ કરતા ગેરકાયદેસર રીતે વગર પાસ પરમીટે લઈ જવાતો ભારતીય બનાવટનો ઈંગ્લીશ દારૂની બટલીઓ નંગ ૩૩૫ તપાસ દરમિયાન મળી આવી હતી.ફોરવ્હીલ ગાડીમાં સવાર કાર ચાલક દાઉદભાઈ સુરેશભાઈ ગામીત રહે,સરૈયા ગામ,નિશાળ ફળિયું-વ્યારા અને રિનાબેન દેવેન્દ્રભાઈ ગામીત રહે,ઘેરિયાવાવ ગામ,ડુંગરી ફ્લિયી-વ્યારા નાઓની પૂછપરછ કરતા ડેગો રહે,શેખપુર તા-મહુવા,જી-સુરત નાએ દારૂ ભરી આપ્યો હોવાનું જાણવા મળ્યુ હતું.આ બનાવમાં આરોપીઓ વિરુદ્ધ પ્રોહી કલમ ૬૫ઇ,૮૧,૮૩,૯૮(૨)મુજબ ગુન્હો રજીસ્ટર કરી મહુવા તાલુકાના શેખપુરા ગામનો ડેગો નામના બુટલેગરને વોન્ટેડ જાહેર કરવામાં આવ્યો હતો.આ બનાવમાં ડોલવણ પોલીસના જવાનોએ રૂપિયા ૨૬,૩૫૦/-નો ઈંગ્લીશ દારૂ,એક મોબાઈલ ફોન કી. રૂ.૨,૦૦૦/-તથા ફોરવ્હીલ ગાડીની કિંમત રૂપિયા ૧ લાખ મળી કુલ રૂપિયા ૧,૨૮,૩૫૦/-નો મુદ્દામાલ જપ્ત કર્યો હતો.આગળની વધુ તપાસ ડોલવણ પોલીસ સ્ટેશનના પીએસઆઈ કે.એમ.છાસિયા કરી રહયા છે.