તાપીમિત્ર ન્યુઝ,સોનગઢ:સોનગઢ તાલુકાના ટોકરવા ગામના વિસમહુડા ફળિયાંમાં આજરોજ ૩૪ વર્ષીય જયંતિભાઈ ગુરજી ભાઈ ગામીતે બીમારી થી કંટાળી પોતાના ઘરમાં જ ગળે ફાંસો ખાય આપઘાત કર્યો હોવાનો બનાવ પોલીસ મથકે રજીસ્ટર થયો છે.બનાવ અંગે શાંતિબેન જયંતિભાઈ ગામીતે કરેલી ફરિયાદ મુજબ ૧૧ મહીના પહેલા જયંતિભાઈ ના શરીર ઉપર એસિડ પડ્યું હોય અને તે સારું ના થતું હોય એટલે બીમારીથી કંટાળીને આજરોજ જયંતિભાઈ ગામીત ઘરે હતા ત્યારે દીકરીને દુકાને બિસ્કીટ લેવા મોકલી આપી હતી અને તે બિસ્કીટ લઈને આવે તે દરમિયાન ઘરના રસોડાના ભાગે આવેલ છતના દાંડા સાથે કાપડની દોરી વડે ગળે ફાંસો લગાવી આપઘાત કર્યો હતો,સોનગઢ પોલીસ મથકે ફરિયાદ ને આધારે અકસ્માત મોત અંગે બનાવ રજીસ્ટર કરી આગળની વધુ તપાસ હેડ કોન્સ્ટેબલ ભાવેશભાઈ કરી રહ્યા છે.(સાંકેતિક તસ્વીર)