તાપીમિત્ર ન્યુઝ,સોનગઢ:સોનગઢના સરજાંબલી ગામના વિસ્તાર માંથી એક 36 વર્ષીય આદિવાસી યુવકને દેશી હાથ બનાવટની સિંગલ બાર બોરની બંદુક સાથે તાપી જીલ્લા એસઓજી શાખાના પોલીસ જવાનોએ ઝડપી પાડ્યો છે,બનાવની જાણ આસપાસના ગ્રામ્ય વિસ્તારમાં થતા ચકચાર મચી જવા પામી છે, મળતી માહિતી અનુસાર તાપી જીલ્લા એસઓજી શાખાનો સ્ટાફ સોનગઢ-ઉકાઈ વિસ્તારમાં તા.1લી નવેમ્બર નારોજ પેટ્રોલિંગ હતો.તે વેળાએ સોનગઢ તાલુકાના સરજાંબલી ગામના ડેરી ફળિયા માંથી રહેતો ઉમેશ ઉર્ફે મુન્નો રમણભાઈ વસાવા(ઉ.વ.36) નામના ઇસમે ગેરકાયદેસર રીતે લાયસન્સ વિનાની બંદુક સંતાડી રાખી હોવાની બાતમીના આધારે સરજાંબલી ગામના ડેરી ફળીયામાં રહેતો ઉમેશ ઉર્ફે મુન્નો વસાવાને સાથે રાખી તેના ઘરમાં શોધખોળ શરૂ કરતા ઘર માં પતરાના કબાટની પાછળથી એક દેશી હાથ બનાવટની સિંગલ બાર બોરની બંદુક મળી આવી હતી,પોલીસ તપાસ દરમિયાન ઉમેશ ઉર્ફે મુન્નો એ કબુલાત કરી હતી કે,આ બંદુક મારી પોતાની છે,અને તેનો કોઈ પરવાનો કે લાયસન્સ પોતાની પાસે નહી હોવાનું જણાવ્યું હતું,બંદુક વધુ તપાસ અર્થે કબજે કરી આગળની વધુ તપાસ પોલીસ દ્વારા હાથ ધરવામાં આવી છે,