તાપીમિત્ર, ન્યુઝ,ડાંગ:વઘઈ તાલુકાના બાજ રામભાસ ગ્રામ પંચાયતની મહિલા ઉપસરપંચ અને તેનો ખાનગી માણસ ૪૫૦૦૦/-ની લાંચ લેતા વલસાડ અને ડાંગ એસીબીએ ઝડપી પાડતા સમગ્ર પંથકમાં ચકચાર મચી જવા પામી છે મળતી માહિતી અનુસાર તા.૮મી માર્ચ ના રોજ ડાંગ જિલ્લાના વઘઇ તાલુકા બાજ રામભાસ ગ્રામ પંચાયત વિસ્તારોમાં થેયલ છ કામો માંથી બે કામોના ચેક પર સહી/સિક્કા કરી આપવા ગ્રામ પંચાયતની મહિલા ઉપસરપંચ અરુણાબેન હરીશભાઈ ધુમાડે રૂ.૪૫૦૦૦/-ની લાંચ માંગી હતી જે અંગે એસીબી વિભાગમાં ફરિયાદ કરવામાં આવતા એસીબી વિભાગે વઘઇ માં આવેલ ભરકાદેવી આઈસ્ક્રીમ પાર્લર પાસે છટકું ગોઠયું હતું તે દરમિયાન લાંચની રકમ રૂપિયા ૪૫૦૦૦/-સ્વીકારનાર મહિલા ઉપસરપંચનો ખાનગી માણસ સમલીમભાઈ મહંમદ કુરેશીને એસીબી વિભાગના સ્ટાફે ઝડપી પાડી કાયદેસરની કાર્યવાહી હાથ ધરી હતી.બનાવ ને પગલે સમગ્ર પંથકમાં ચકચાર મચી જવા જવા પામી છે.હાલ એસીબી ડાંગ અને વલસાડ મહિલા ઉપસરપંચ અને તેના ખાનગી માણસ સામે ગુન્હો નોંધી વધુ પૂછપરછ હાથ ધરી હોવાનું જાણવા મળ્યું છે.