શિવકાસી ભારતનું સૌથી મોટું ફટાકડાં ઉત્પાદન કેન્દ્ર છે. અહીંથી આખા દેશમાં ફટાકડા, સેફ્ટી મેચ અને સ્ટેશનરીની વસ્તુઓ બનાવવામાં આવે છે,અહીંના ફટાકડા દેશમાં જ નહીં પરંતુ વિશ્વમાં પણ પ્રખ્યાત છે. પણ આજે ત્યાંથી એક અત્યંત દુ:ખદ દુર્ઘટના થઈ હતી. તામિલનાડુ રાજ્યમાં શિવકાસી પાસે એક ફટાકડાની ફેક્ટરીમાં થયેલા વિસ્ફોટમાં 8 લોકોના મોત થયા હતા. આ દૂરઘટનામાં ઓછામાં ઓછા 12 અન્ય લોકો પણ ઘાયલ થયા હતા.

જે ફેક્ટરીમાં બ્લાસ્ટ થયો તે લાઈસન્સ પ્રાપ્ત છે. ઘાયલોમાંથી બેની હાલત ગંભીર જણાવવામાં આવી રહી છે. અકસ્માત સ્થળે બચાવ કાર્ય ચાલી રહ્યું છે. મૃતકોમાંથી આઠ ફટાકડાની ફેક્ટરીમાં કામ કરતા હતા. વિસ્ફોટ બાદ આખી ફેક્ટરીઆગમાંલપેટાઇ ગઇ હતી. ફાયર બ્રિગેડના જવાનો તાત્કાલિક ઘટના સ્થળે પહોંચી ગયા હતા અને આગ બુઝાવવામાં લાગી ગયા હતા. આગ લાગવાનું કારણ હજુ સુધી જાણી શકાયું નથી. બ્લાસ્ટ બાદ સમગ્ર ફેક્ટરી પરિસરમાં ભારે ધૂમાડો જોવા મળી રહ્યો છે.