મુંબઈનાં પોલીસ વિભાગમાં કોન્સ્ટેબલ અને અધિકારીને 8 કલાકની ડયુટીનો નિર્ણય લેવામાં આવ્યો છે. પોલીસ કમિશનર આ બાબતે ગ્રીન સિગ્નલ આપી દીધું છે. આમ હવે 50 વર્ષથી ઓછી ઉંમરના પોલીસને 8 કલાક અને 50 વર્ષથી વધુના પોલીસ માટે 12/24નો નિયમ લાગુ કરવામાં આવ્યો છે.

આગામી બે દિવસમાં આ મામલે આદેશ આપવામાં આવશે, એમ પોલીસ કમિશનર સંજય પાંડેએ કહ્યું હતું. નોંધનિય છે કે, પાંડે અગાઉ રાજ્યનાં DG હતા તે સમયે તેમણે મહિલા પોલીસ માટે 8 કલાકની ડયુટીનો આદેશ આપ્યો હતો, પણ મુંબઈ પોલીસે તેનો અમલ કર્યો નહોતો.

જોકે મુંબઈના પોલીસ કમિશનર બન્યા પછી પાંડેએ મહિલા દિનના મહિલા પોલીસને 8 કલાકની ડયુટીની ગિફ્ટ આપી હતી. આ સાથે મુંબઈ પોલીસના પુરુષ કોન્સ્ટેબલ અને અધિકારીએ પણ 8 કલાકની ડયુટીની માંગણી કરી હતી. પોલીસ કમિશનરે આ બાબતે ફેસબુક પોસ્ટ દ્વારા અધિકારી સાથે ચર્ચા કરી હતી. બીજી તરફ લોકલ આર્મ્સ વિભાગમાં મહિલા પોલીસ માટે 8 કલાકની ડયુટીનો નિર્ણય લાગુ કરાયો નથી.