તાપીમિત્ર ન્યુઝ,ડોલવણ:ડોલવણ વિસ્તારમાં ભત્રીજાએ સગા કાકાની નિર્મમ હત્યા કરી હોવાની ઘટના પ્રકાશમાં આવી છે.બનાવના પગલે પંથકમાં ચકચાર મચી જવા પામી છે.માથાના ભાગે લાકડાના ફટકા મારી સગા કાકાને મરણતોલ હાલતમાં છોડીને ભત્રીજો ત્યાંથી નાશી છૂટ્યો,પણ પોલીસ ફરિયાદ થતા હત્યારા ભત્રીજાને પોલીસે ઝડપી પાડી જેલ હવાલે કરી દીધો છે. મળતી માહિતી અનુસાર તાપી જિલ્લાના ડોલવણ તાલુકાના પંચોલ ગામના નદી ફળિયામાં તા.7 ઓક્ટોબર નારોજ,પ્રફુલ ચૌધરી નામના 55 વર્ષીય ઈસમ તેમના ઘરના ઓટલા પર સુતા હતા, દરમ્યાન તેજ ગામમાં રહેતો તેનો ભત્રીજો કલ્પેશ નવીનભાઈ ચૌધરી રહે,પંચોલગામ,નદી ફળિયું-ડોલવણ નો કોઈ અંગત અદાવત રાખીને સુતેલા કાકા પ્રફુલભાઇ પર તૂટી પડી તેમના માથાના ભાગે લાકડાના જીવલેણ વાર કરીને મરણતોલ હાલતમાં છોડી નાશી છૂટ્યો હતો,જેમનું સારવાર દરમ્યાન સુરત હોસ્પિટલમાં મોત થતા પોલીસ ફરિયાદ થતા ભત્રીજા કલ્પેશની પોલીસે હત્યાના ગુન્હા હેઠળ ધરપકડ કરી હતી.