તાપીમિત્ર ન્યુઝ,સોનગઢ:સોનગઢ નગરના બાપાસીતારામ નગરમાં આજરોજ જમવાની બાબતે પતિ-પત્ની વચ્ચે થયેલ બોલાચાલીમાં પતિએ સ્ટીલનો લોટો ઊંચકી પત્નીને માથામાં મારી દીધો હોવાનો બનાવ સોનગઢ પોલીસ મથકે રજીસ્ટર થયો છે.મળતી માહિતી અનુસાર સોનગઢ નગરના બાપાસીતારામ નગર વિસ્તારમાં આજરોજ જમવાની બાબતે પતિ -પત્ની વચ્ચે થયેલ બોલાચાલીનો મામલો પોલીસ મથક સુધી પહોંચ્યો હતો.બનાવ અંગે મંજુલાબહેન લખનભાઈ ગૌસ્વામીએ સોનગઢ પોલીસ મથકે પતિ વિરુદ્ધ ફરિયાદ કરી હતી,લખનભાઈ સોમગીરી ગૌસ્વામી જમવા આવ્યા હતા તે વેળાએ પત્ની મંજુલાબહેને જમવાનું આપેલ પરંતુ રોટલીમાં તેલ લગાડેલું ન હોવાથી પતિ લખન ગૌસ્વામીએ કહેલ કે,રોટલી ઉપર તેલ લગાડી આપ.ત્યારે મંજુલાબહેને કહેલ કે,તેલ પુરૂ થઈ ગયેલ છે.આજે કોરી રોટલી ખાય લો.તેમ કહેતા લખન ગૌસ્વામી એકદમ ગુસ્સે થઈ નજીક માં મુકેલ સ્ટીલના લોટાથી મંજુલાબહેનને માથા ના ભાગે મારી ગંભીર ઇજા પહોંચાડી હતી,બનાવ અંગે ફરિયાદને આધારે સોનગઢ પોલીસ મથકે ગુન્હો રજીસ્ટર કરવામાં આવ્યો છે,આગળની વધુ તપાસ હેડકોન્સ્ટેબલ વિપુલભાઇ હરગોવનભાઈ કરી રહ્યા હોવાનું જાણવા મળ્યું છે.