તાપીમિત્ર ન્યુઝ,સોનગઢ:સોનગઢના દોણ ગામની સીમમાં મોટર સાયકલ સવાર પિતા-પુત્રને ગમખ્વાર અકસ્માત નડ્યો હતો,આ અકસ્માતમાં પિતા અને પુત્રનું ઘટના સ્થળ ઉપર જ કમકમાટી ભર્યું મોત નીપજ્યું હતું. પોલીસ સુત્રો પાસેથી મળતી માહિતી અનુસાર સોનગઢ તાલુકાના દોણ ગામના નિશાળ ફળિયાની સીમ તા.11મી સપ્ટેમ્બર 2018 નારોજ રાત્રે 8:15 કલાકના અરસામાં પુરપાટ ઝડપે દોડતી સરકારી એસટી બસ નંબર GJ-18-Y-5738 ના ચાલકે પોતાના ક્બજાનું વાહન ગફલત ભરી રીતે હંકારી લાવી હોન્ડા યુનીકોર્ન મોટર સાયકલ નંબર GJ-26-T-6378 ને સામેથી ટક્કર મારતા મોટર સાયકલ પર સવાર મકનજીભાઈ જેઠ્યાભાઈ ગામીત(ઉ.વ.42),અને જયકુમાર મકનજીભાઈ ગામીત(ઉ.વ.9) બંને રહે,મેઢા ગામ,આમલીપાડા ફળિયું-સોનગઢ નાઓને માથાના ભાગે ગંભીર ઇજા પહોંચતા પિતા-પુત્રનું સ્થળ પરજ કમ કમાટીભર્યું મોત નીપજ્યું હતું,બનાવ અંગે ગુલજીભાઈ બાબલ્યાભાઈ ગામીત રહે,મેઢા,આમલીફળિયું-સોનગઢ નાઓએ સરકારી એસટી બસના ચાલક વિરૂધ્ધ સોનગઢ પોલીસ મથકે ફરિયાદ કરી હતી,જેમની ફરિયાદને એસટી બસ ચાલક વિરુધ્ધ ગુન્હો રજીસ્ટર કરી આગળની વધુ તપાસ હેડકોન્સટેબલ ભવેશભાઈ માનસિંગભાઈ કરી રહ્યા છે,