તાપીમિત્ર ન્યુઝ,સોનગઢ:સોનગઢ નગરના ઇસ્લામપુરા વિસ્તારમાં આવેલ જિલ્લા પંચાયત સંચાલિત ધોરણ-1 થી ધોરણ-5 સુધી ની પ્રાથમિક શાળામાં 122 જેટલા બાળકો શિક્ષણ મેળવવા માટે આવે છે,આ શાળામાં છેલ્લા ઘણા વર્ષોથી મુખ્ય શિક્ષક તરીકે રમેશભાઈ જેઠાભાઈ ગામીત ફરજ બજાવે છે,જેઓ સદંતર અનિયમિત રહેતા હોવાથી બાળકોના શિક્ષણ પર માઠી અસર પડી રહી હોવાની લેખિતમાં રજૂઆત સોનગઢ નગરપાલિકાના વોર્ડ નંબર-6 ના સભ્ય મોહસીનભાઈ કુરેશીએ આજરોજ સોનગઢ તાલુકા વિકાસ અધિકારી સહિત જિલ્લા શિક્ષણ અધિકારીને કરી છે,તદઉપરાંત શાળામાં ધોરણ-5 સુધીનો અભ્યાસ ચાલતો હોય અને મુખ્ય શિક્ષકની અનિયમિતતાને લઇ માત્ર ત્રણ શિક્ષિકાઓ દ્વારા શિક્ષણ આપવાનું ગાડુ ગબડાવવામાં આવી રહ્યું હોવાનું જણાવવામાં આવ્યું છે,