તાપીમિત્ર ન્યુઝ,કુકરમુંડા:કુકરમુંડા તાલુકાના ફૂલવાડી ગામ પાસે તા.21મી ઓગસ્ટ નારોજ,પુરપાટ ઝડપે દોડતી મોટર સાયકલ નંબર MH-39-AB-1126 ના ચાલકે પોતાની કબ્જાની મોટર સાયકલ ગફલત ભરી રીતે હંકારી લાવી રાયસિંગભાઈ સોનજીભાઈ પાડવીની સાયકલને અથડાવી દઈ રાયસિંગભાઈ પાડવીને રોડ ઉપર પટકાવી દેતા રાયસિંગભાઈને માથાના તેમજ મોઢાંના ભાગે ગંભીર ઇજા પોંહચી હતી જેમને સારવાર અર્થે નંદુરબાર ખાતે હોસ્પીટલમાં ખસેડવામાં આવ્યો હતો જેમનું સારવાર દરમિયાન મોત નીપજ્યું હોવાની ફરિયાદ મહારાષ્ટ્રના નંદુરબાર પોલીસ મથકે 22મી ઓગસ્ટ 2018 નારોજ આકાશભાઇ રાયસિંગભાઇ રહે.કુકરમુડા ગાડીસ ફળીયુ તા.કુકરમુંડા-તાપી નાએ કરી હતી.જેમની ફરિયાદને આધારે અજાણ્યા બાઈક ચાલક વિરુધ્ધ 0 નંબરથી બનાવ રજીસ્ટર કરી આગળની વધુ કાર્યવાહી માટે નિઝર પોલીસ મથકે જાણ કરવામાં આવી હતી જેના આધારે 7મી સપ્ટેમ્બર નારોજ નિઝર પોલીસ મથકે બનાવ રજીસ્ટર કરી આગળની વધુ તપાસ શરૂ કરવામાં આવી છે.