તાપીમિત્ર ન્યુઝ,નવસારી:તમિલનાડુ કૃષિ યુનિવર્સિટી, કોઇમ્બતુર ખાતે તા.૨૩-૨૪ ફેબ્રુઆરી, ૨૦૧૮ દરમિયાન નેશનલ એગ્રી બિજનેસ મેનેજમેંટ મીટ ‘પ્રબંધાઝ-૨૦૧૮’ નું આયોજન થયેલ.જેમાં ભારત ભર ના રાજ્યો ની વિવિધ મેનેજમેંટ કોલેજો એ ભાગ લીધેલો.જે અંતર્ગત એચ.આર. ગેમ માં અસ્પી એગ્રી બિજનેસ મેનેજમેંટ ઇન્સ્ટિટ્યૂટ ની વિદ્યાર્થીની રશ્મી ભટ અને અર્મી નવલખે ની ટીમે સમગ્ર ભારત મા પ્રથમ તથા ફાયનાન્સ ગેમ માં કેતુ પટેલ અને શિવાંગી નંદાણિયા ની ટીમે તૃતીય સ્થાન મેળવી ને નવસારી કૃષિ યુનિવર્સિટી નું નામ રોશન કરેલ છે. આ પ્રસંગે નવસારી કૃષિ યુનિવર્સિટી ના કુલપતિ શ્રી ડો.સી.જે.ડાંગરીયા, વિદ્યાર્થી કલ્યાણ નિયામક શ્રી ડો.સી.વી.સાવલીયા, અસ્પી એગ્રી બિજનેસ મેનેજમેંટ ઇન્સ્ટિટ્યૂટ ના પ્રિન્સિપાલ ડો.એચ.આર.પંડ્યા અને વિદ્યાર્થી પ્રતિનિધિ પરિષદ ના અધ્યક્ષ પ્રો.રમેશ લાખાણા સહિત તમામ પ્રાધ્યાપકોએ વિજેતા ટીમ ને અભિનંદન પાઠવ્યા હતા.