તાપીમિત્ર ન્યુઝ,વ્યારા:વ્યારા તાલુકાના ખુશાલપુરા ગામના ભરવાડી ફળિયું રેલ્વે ફાટક પાસે તા.1-સપ્ટેમ્બર 2018 નારોજ,મસાભાઈ સુખાભાઈ ચૌધરીના મકાનની પાછળ ગાંજો સંતાડી રાખી છૂટક વેચાણ કરાતું હોવાની બાતમીના આધારે એસઓજી-તાપી પોલીસ દ્વારા રેડ કરવામાં આવી હતી.રેડ દરમિયાન મસાભાઈ સુખાભાઈ ચૌધરી(ઉ.વ.62)નાઓના માલિકના મકાનના પાછળના ભાગેથી એક ગુલાબી કલરની પ્લાસ્ટિકની થેલી માંથી કીં.રૂ.9,940/-નો 994 ગ્રામ ગાંજો ગેરકાયદેસર મળી આવતા મસાભાઈ ચૌધરી વિરુધ્ધ ધી નાર્કોટીસ્ટ ડ્રગ્સ અને સાયકોટ્રોપિક સબસ્ટન્સ એક્ટ 1985 ની કલમ 8(સી),20(બી)(2)(એ) મુજબ ગુન્હો રજીસ્ટર કરી આગળની વધુ તપાસ હાથ ધરવામાં આવી છે.અત્રેઉલ્લેખ્નીય છેકે,વ્યારા મગદુમનગર,સોનગઢના રેલ્વે સ્ટેશન તેમજ શાકભાજી માર્કેટ તથા વાલોડ વિસ્તારમાં ઘણા લાંબા સમયથી કેટલાક તત્વો દ્વારા ગાંજાના પેકેટ બનાવી છુટક વેચાણ કરી રહ્યા છે.ત્યારે ગેરકાદેસર રીતે ગાંજો વેચાણ કરનારાઓને શોધી કાઢવા એકશનમાં આવેલી પોલીસ લોકલ એરિયામાં વર્ષોથી છૂટક ગાંજો વેચાણ કરનારાઓનું લીસ્ટ બનાવી તપાસ શરુ કરે તેવી માંગ ઉઠવા પામી છે.