તાપીમિત્ર ન્યુઝ,સુરત:બારડોલી પોલીસ સ્ટાફના જવાનોએ,બારડોલી-નવસારી રોડ ઉપર આવતું તાજપોર ગામની સીમમાં આવેલ વણાંક પાસેથી પલસાણા બ્રિજ તરફ જવાના રસ્તા નજીકથી એક ડસ્ટર કાર નંબર GJ-5-JD-9109 અટકાવી તપાસ કરતાં કાર માંથી પોલીસને પરપ્રાંત બનાવટના 600 બિયરના ટીન કિંમત રૂ,50,884/-સાથે સુરતના સચિન ખાતે સ્લમબોર્ડ વિસ્તારમાં રહેતા અનિલ અશોક સબકારે તેમજ મોહન ઉર્ફે મહમદ સુંદરભાઈ કટલરીવાળા રહે,મહિધરપૂરા-સુરતનાઓને ઝડપી પાડ્યા હતા.અને તેમની પૂછતાછ કરતાં આ વિદેશી દારૂ સેલવાસ ખાતે આવેલ વર્ધન બીયર બારમાં નોકરી કરતાં ચંદન,રવિ,હિતેશ નાઓએ ભરાવ્યો હોય પોલીસે તેમને વોંટેડ જાહેર કર્યા હતા.પોલીસે દારૂ તેમજ કાર અને મોબાઈલ મળી કુલ 5.59 લાખનો મુદ્દામાલ કબ્જે કરી આગળની કાર્યવાહી હાથ ધરી હતી.