તાપીમિત્ર ન્યુઝ,રાજપીપલા:સરદાર સરોવર નર્મદા ડેમ ના નિર્માણ બાદ પાણીમાં ડૂબી ગયેલું હાફેશ્વર મહાદેવ નું મંદિર હાલ ૧૬ વર્ષ બાદ ડેમ માં સતત ઘટેલા પાણી ના કારણે પાણીમાંથી બહાર નીકળતા ભક્તો તેના દર્શન કરવા ઉતાવળા થઈ રહ્યા છે ગુજરાત,મહારાષ્ટ્ર અને મધ્યપ્રદેશ આમ ત્રણ રાજ્ય ની સરહદ પર આવેલા કવાંટ તાલુકામાં આવેલું આ ઐતિહાસિક મહાદેવ નું મંદિર હાલ નર્મદા માં પાણીની સપાટી નીચી જતા ૧૬ વર્ષ બાદ તેનો ઘુમ્મટ બહાર દેખાતા લોકો માં ભારે કુતુહલ જોવા મળ્યું છે જોકે એક તરફ પાણીની કટોકટી થી લોકો ચિંતાતુર બન્યા છે ત્યાં બીજી તરફ આ મહાદેવ મંદિર વર્ષો બાદ જળસમાધી માંથી બહાર આવતા ભક્તો માં આનંદ પણ જોવા મળી રહ્યો છે ત્યારે ચાલુ વર્ષે પાણીની ગંભીર સમસ્યા માંથી હવે હાફેશ્વર મહાદેવ કોઈ રસ્તો કાઢશે તેવું પણ સ્થાનિક શ્રદ્ધાળુઓ નું માનવું છે હાલ તો આ મંદિર ના દર્શન કરવા ભક્તો આતુર  જોવા મળી રહ્યા છે .