તાપીમિત્ર ન્યુઝ,વ્યારા:વ્યારાના સરૈયા ગામ માંથી બુટલેગરોને સપ્લાય થતો પરપ્રાંત બનાવટનો ઈંગ્લીશ દારૂનો જથ્થો ઝડપી પાડવામાં વ્યારા પોલીસને સફળતા મળી છે.જોકે આરોપીઓ એકટીવા સ્કુટર સહિતનો મુદ્દામાલ સ્થળ પર મૂકી ફરાર થઇ ગયા હતા. મળતી માહિતી અનુસાર વ્યારા તાલુકાના સરૈયા ગામના ભીલફળીયામાં ખેતરડીમાં જવાના રોડ ઉપર આંબાના ઝાડ નીચે ખુલ્લી જગ્યામાં ઈંગ્લીશદારૂનો જથ્થો ઉતારવામાં આવ્યો હોવાની બાતમી પોલીસ કોન્સટેબલ વિનોદભાઈ પ્રતાપને મળી હતી જેના આધારે તા.25મી ઓગસ્ટ નારોજ મોડી રાત્રે વ્યારા પોલીસ સ્ટેશનના પીઆઈ આર.એસ.પટેલ અને સ્ટાફના જવાનોએ સરૈયા ગામના ભીલ ફળીયામાં રેડ કરતા બુટલેગરોમાં ભાગદોડ મચી ગઈ હતી.આ બનાવમાં પોલીસે અલગઅલગ બ્રાન્ડનો વ્હીસ્કી અને બીયર દારૂની બાટલી તથા ટીન નંગ 1368 જેની કીં.રૂ.84,000/-,તેમજ દારૂ કાર્ટિંગ કરવા માટે ઉપયોગમાં લેવાતી હોન્ડા એકટીવા સ્કુટર નંબર GJ-26-P-8835 સ્થળ પર બુટલેગરો ફરાર થઇ જતા ઈંગ્લીશદારૂના જથ્થા સહિત રૂપિયા 1,14,000/-નો મુદ્દામાલ જપ્ત કરી રજનીકાન્ત ઉર્ફે રજની અજીતભાઈ ગામીત રહે,સરૈયા,ગાલખડીફળિયું-વ્યારા સહિત ચાર જણા વિરૂધ્ધ ગુન્હો રજીસ્ટર કરી આગળની વધુ તપાસ  વ્યારા પોલીસ દ્વારા હાથ ધરવામાં આવી છે.(ફાઈલ તસ્વીર)