તાપીમિત્ર ન્યુઝ,રાજપીપલા:રાજપીપલા ની એમ.આર.આર્ટ્સ એન્ડ સાયન્સ કોલેજ દ્વારા નાંદોદ તાલુકાના હજરપુરા ખાતે NSS ની વાર્ષિક શિબિર નું આયોજન કરવામાં આવ્યું જેમાં તમામ ફેકલ્ટીના ૧૦૦ થી વધુ વિદ્યાર્થીઓ એ  ભાગ લીધો હતો.નાંદોદ તાલુકા પ્રમુખ જતીન વસાવાના હસ્તે શિબિરને ખુલ્લી મુકાઈ હતી સાથે એક સપ્તાહની શિબિર માં મહિલા આરોગ્ય શિબિર, રક્તદાન શિબિર નો પણ સમાવેશ કરાયો હતો. ઉદઘાટન માં કોલેજના આચાર્ય ડો.શૈલેન્દ્રનસિંહ માંગરોલા,ગામના સરપંચ અને આગેવાનો હાજર રહ્યા હતા.સમગ્ર આયોજન રાષ્ટ્રીય સેવા યોજના ના કન્વીનર ડો.એમ.આર.ભોયે તથા પ્રો. એચ.સી.ચાવડા, પ્રો. એમ.બી. ચૌધરી દવારા કરવામાં આવી હતી.સરકાર દ્વારા વિદ્યાર્થીઓમાં બાહ્ય જ્ઞાન અને સર્વાંગીણ વિકાસ સધાય એ દિશા માં રાષ્ટ્રીય સેવા યોજના શાળા કોલેજોમાં ચાલુ કરી હોય જે યોજનામાં વાર્ષિક શિબિર નજીક કે અંતરિયાળ ગામોમાં કરી જેમાં સફાઈ, થી લઇ આરોગ્ય શિક્ષણ સહીત ના સેવાના કામો કરવાના સાથે ગ્રામ્ય કક્ષાની રહેણીકરણ ને શીખી એક સાંસ્કુતિક ઓળખ મેળવવી અને પોતાની જાતને તમામ ક્ષેત્રો માટે તૈયાર કરી રાષ્ટ્ર નિર્માંણ માં ભાગીદાર બનવું જેવી તાલીમ આપવામાં આવે છે જેથી રાષ્ટ્રનિર્માણ માં ભાગ લેવા આવેલા તમામ કોલેજના વિદ્યાર્થી યુવક, યુવતીઓને તાલુકા પ્રમુખ જતીન વસાવા અને આચાર્ય ડો.શૈલેન્દ્રસિંહ માંગરોલાએ શુભેચ્છા પાઠવી હતી.