તાપીમિત્ર ન્યુઝ,સોનગઢ:સોનગઢ નગરમાં આવેલ ઈસ્લામપુરા વિસ્તાર માંથી આજરોજ શંકાસ્પદ ગૌમાંસ મળી આવતા પોલીસ દોડતી થઇ ગઈ હતી.આ બનાવમાં પશુમાસના નમુના એફએસએલમાં પરીક્ષણ માટે મોકલવામાં આવ્યું હોવાનું જાણવા મળ્યું છે. મળતી માહિતી અનુસાર તા.19મી ઓગસ્ટ નારોજ,સોનગઢ નગરમાં આવેલ કાંકરગલી-ઈસ્લામપુરા ટેકરા ખાતે રહેતી સાહનુર યુનુસ અહેમદ કુરેશીના ઘરમાં ગૌમાંસ વેચાણ થતું હોવાની બાતમીના આધારે સોનગઢ પોલીસ દ્વારા તપાસ હાથ ધરવામાં આવી હતી.તપાસ દરમિયાન 15 કિલો જેટલું પશુમાંસ મળી આવ્યું હતું.પશુમાંસ ના નમુના એફએસએલમાં પરીક્ષણ માટે મોકલવામાં આવ્યું હોવાનું જાણવા મળ્યું છે.બનાવ અંગે પોલીસ કોન્સટેબલ ઉદેસિંગ ઇન્દ્રસિંગની ફરિયાદને આધારે જાણવા જોગ ગુન્હો રજીસ્ટર કરવામાં આવ્યો છે,આગળની વધુ તપાસ સોનગઢ પોલીસ સ્ટેશનના ઇન્ચાર્જ પીએસઆઈ વી.આર.ભરવાડ કરી રહ્યા છે.