મનિષા એસ. સુર્યવંશી/તાપી : વ્યારાના પાનવાડી ગામનાં બાપાસીતારામ કોમ્પ્લેક્ષમાંથી જુગાર રમતા ૬ જુગારીઓને ઝડપી પાડી કાયદેસરની કાર્યવાહી હાથ ધરવામાં આવી હતી. મળતી માહિતી મુજબ, વ્યારા પોલીસ સ્ટાફના માણસો તારીખ ૨૬/૧૦/૨૦૨૪નાં રોજ નાઈટ પેટ્રોલીગમાં હતા.

તે દરમિયાન ખાનગી રાહે બાતમી મળી હતી કે, પાનવાડીનાં બાપાસીતારામ કોમ્પ્લેક્ષમાં પીયુષભાઈ ઈશ્વરભાઈ ભક્તા નાંઓના ઘરમાં કેટલાક ઈસમો પૈસાવતી હારજીતનો જુગાર રમે છે. જે બાતમીના આધારે બાતમીવાળી જગ્યા ઉપર પહોંચી ઘરના બેઠક રૂમમાં ગોળ કુંડાળું કરી જુગાર રમતા ૬ જુગારીઓને ઝડપી પાડ્યા હતા. આમ, પોલીસે સ્થળ ઉપરથી પૈસાવતી હારજીતનો જુગાર રમતા દાવના રૂપિયા ૩,૮૦૦/- તથા અંગ ઝડતીમાં મળી આવેલ રૂપિયા ૪૫,૪૮૦/- મળી કુલ રૂપિયા ૪૯,૨૮૦/-નો મુદ્દામાલ કબ્જે કરવામાં આવ્યો હતો. બનાવ અંગે પોલીસ કર્મચારી નવરાજસિંહ ડાભીની ફરિયાદનાં આધારે ઝડપાયેલ તમામ જુગારીઓ વિરુધ્દ ગુનો નોંધી કાયદેસરની કાર્યવાહી હાથ ધરવામાં આવી હતી.

ગોળ કુંડાળું કરી જુગાર રમતા ઝડપાયેલ જુગારીઓ...

૧.વિનોદ મોહનભાઈ મોહિતે (રહે.નવી વસાહત, વ્યારા),

૨.અશોક આણંદભાઈ સલાટ (રહે.વેગી ફળિયું, વ્યારા),

૩.સંતોષ હીરાભાઈ ભોઈ (રહે.દાદરી ફળિયું, વ્યારા),

૪.જાવેદ ઈક્લ્બાલભાઈ કાઝી (રહે.સ્ટેશન રોડ, વ્યારા),

૫.એઝાઝ બચુભાઈ શેખ (સ્ટેશન રોડ, વ્યારા) અને

૬.હિતેશ મહેશભાઈ ગામીત (રહે.સ્ટેશન રોડ, વ્યારા).