મનિષા એસ. સુર્યવંશી/તાપી : સોનગઢનાં ગાળકુવા ગામનાં નિશાળ ફળિયામાં આવેલ વાંસનાં ઝાડ નીચે ખુલ્લામાં બેસી ગોળ કુંડાળું કરી પૈસા પાનાવતી હારજીતનો જુગાર રમતા ૬ જુગારીઓને ઝડપી પાડી કાયદેસરની કાર્યવાહી હાથ ધરી હતી. બનાવ અંગે પોલીસે ગુનો નોંધી કાયદેસરની કાર્યવાહી હાથ ધરી હતી. મળતી માહિતી મુજબ, સોનગઢ પોલીસ સ્ટાફનાં માણસો તારીખ ૧૮/૧૧/૨૦૨૪નાં રોજ પેટ્રોલીગમાં હતા.

તે દરમિયાન ખાનગી રાહે બાતમી મળી હતી કે, ગાળકુવા ગામનાં નિશાળ ફળિયામાં આવેલ વાંસનાં ઝાડ નીચે ખુલ્લામાં કેટલાક ઈસમો નીચે બેસી ગોળ કુંડાળું કરી પૈસા પાના વતી હારજીતનો જુગાર રમે છે જે બાતમીનાં આધારે પોલીસ સ્ટાફના માણસો બાતમી વાળી જગ્યા ઉપર પહોંચતા વગર પાસ પરમિટે ગંજીપાનાનો હારજીતનો જુગાર રમી રહેલ ૬ જુગારીઓને ઝડપી પાડ્યા હતા. આમ, પોલીસે જુગાર રમવાના સાધનો પૈકી ગંજીપાનાની કેટ, દાવના રૂપિયા તેમજ જુગાર રમવા માટેના હાથ ઉપર રાખેલ રૂપિયાનો મુદ્દામાલ કબ્જે કર્યો હતો. બનાવ અંગે પોલીસ કર્મચારી દાનુભાઈ સિસારાની ફરિયાદનાં આધારે ઝડપાયેલ તમામ જુગારીઓ વિરુદ્ધ ગુનો નોંધી કાયદેસરની કાર્યવાહી હાથ ધરવામાં આવી હતી.

પોલીસ રેઈડમાં જુગાર રમતા ઝડપાયેલ જુગારીઓ...

૧.નરેન્દ્ર ગનજીભાઈ ચૌધરી (રહે.ગાળકુવા ગામ, આમલી ફળિયું, સોનગઢ),

૨.ભીમસિંગ ઠાકોરભાઈ ચૌધરી (રહે.ગાળકુવા ગામ, નિશાળ ફળિયું, સોનગઢ),

૩.ગમન ઠગણીયાભાઈ ગામીત (રહે.ગાળકુવા ગામ, નિશાળ ફળિયું, સોનગઢ),

૪.ચંદ્રસિંગ ફઝાભાઈ ચૌધરી (રહે.ગાળકુવા ગામ, નિશાળ ફળિયું, સોનગઢ),

૫.ગણેશ ગંજીભાઈ ગામીત (રહે.ગાળકુવા ગામ, નિશાળ ફળિયું, સોનગઢ) અને

૬.ઈશ્વર ઠાકોરભાઈ ચૌધરી (રહે.ગાળકુવા ગામ, નિશાળ ફળિયું, સોનગઢ).