સુપ્રિમકોર્ટના આદેશાનુસાર જેલમાં રહેલા કેદીઓમાં કોરોનાનો વાઈરસ વ્યાપક ન ફેલાય તે માટે જરૂરી દિશા-નિર્દેશો કરવામાં આવ્યા છે. જે અનુસાર સુરતની લાજપોર મધ્યસ્થ જેલ ખાતે હાઈ પાવર કમિટી ગાઈડ લાઈન અનુસાર કેદીઓના આરોગ્ય અને કલ્યાણ સંદર્ભે જેલમાં કેદીઓની ગીચતા ઓછી થાય તે માટે સાત વર્ષ સુધીની કે તેથી ઓછી સજાની જોગવાઈ હોય તેવા કાચા/પાકા કામના ૫૯ કેદીઓને તા.૧૭મી મેના રોજ વચગાળા જામીન ઉપર જેલમુકત કરવામાં આવ્યા છે.

જેલ મુકત થનાર તમામ કેદીઓને કરૂણા ટ્રસ્ટ સુરત દ્વારા રાશનકિટ્સનું વિતરણ કરવામાં આવ્યું હતું. આ કિટ્સને જેલના અધિક્ષકશ્રી મનોજ નિનામા, નાયબ અધિક્ષકશ્રી ડી.એસ.પુનડીયા, નાયબ અધિક્ષકશ્રી પી.જી.નરવાડેના હસ્તે કેદીઓને વિતરણ કરવામાં આવી હતી.