તાપીમિત્ર ન્યુઝ,વ્યારા:તાપી જિલ્લાના વિસ્તારોમા ધમધમતા વરલી-મટકા જુગારના અડ્ડા અને દારૂ ના અડ્ડા પર એક પછી એક આરઆરસેલ દરોડા પાડી જુગરિયાઓ અને બૂટલેગરોને જેલ ના સળિયા પાછળ ધકેલી રહી છે.આરઆરસેલની કાર્યવાહી થી બૂટલેગરો અને જુગરીયાઓ જ નહીં પરંતુ સ્થાનિક પોલીસમાં પણ ફફડાટ પ્રસરી જવા પામ્યો.

સૂત્રો પાસેથી મળતી માહિતી અનુસાર તાપી જિલ્લામાં જાણે બૂટલેગરો અને જુગરિયાઓને ઝડપી પાડી જેલ ના સળિયા પાછળ ધકેલવા માટે આરઆરસેલ અને સ્થાનિક પોલીસ વચ્ચે કોમ્પીટીશન ચાલતું હોય તેમ જુગાર અને દારૂના સ્થળે રેડ પાડવામાં આવી રહી છે.તા,૯મી ફેબ્રુઆરીના રોજ પણ આરઆરસેલની ટીમે વ્યારાના શંકર ફળીયામાં ધમધમતા ઇંગ્લિશ દારૂના અડ્ડા પર રેડ કરી હતી જેમાં એક મહિલા બુટલેગર સુનિતાબેન વિજયભાઈ ચૌધરીને રૂપિયા ૧૩,૩૫૦/- ના ઈંગ્લીશ દારૂની જુદીજુદી બોટલ નંગ-૧૭૭ સાથે ઝડપી પાડી હતી જ્યારે એક અજાણ્યા ઇસમને વોન્ટેડ જાહેર કર્યો હતો.