તાપીમિત્ર ન્યુઝ,બારડોલી:બારડોલીમાં તેન ગામના પાટિયા પાસે આજરોજ વહેલી સવારે ડ્રીમ હોન્ડાના શો રૂમમાં અજાણ્યા ચોર ઇસમે ચોરી કરવાના બદઇરાદે શો રૂમમાં પ્રવેશ કર્યો હતો,કબાટ અને ટેબલનો સામાન અસ્ત-વ્યસ્ત કર્યું હતું જેના કારણે જાગી ગયેલા વોચમેન પર આ ચોરટાએ ફાયરીંગ કરી ગંભીર ઇજા પહોંચાડી ફરાર થઈ ગયો હોવાની ઘટનાથી પંથકમાં ચકચાર મચી જવા પામી  છે. સુરતના બારડોલી તાલુકામાં તેન ગામના પાટિયા પાસે આવેલ ડ્રીમ હોન્ડા શો રૂમમાં ચોરી કરવાને ઇરાદે ઘુસેલા એક અજાણ્યા ઇસમે શૌ રૂમ અંદર સામાન અસ્ત-વ્યસ્ત કરી બહાર નીકળતી રહ્યો હતો તે સમયે કમ્પાઉન્ડમાં અવાજ આવતા જાગી ગયેલા વોચમેને ચોરટાને પડકારતા આ અજાણ્યા ઇસમે તમંચા જેવા હથિયાર માંથી ફાયરીંગ કરી વોચમેનના ડાબા ગાલે ગંભીર ઇજા કરી હત્યા કરવાની કોશિશ કરી ભાગી ગયો હોવાની ઘટના પ્રકાશમાં આવી છે.બનાવ અંગે ડ્રીમ હોન્ડા સૌ રૂમના વોચમેન કમલેશભાઈ પટેલની ફરિયાદને આધારે અજાણ્યા ચોર ઇસમ વિરુધ્ધ બારડોલી પોલીસ ચોપડે ગુન્હો રજીસ્ટર કરી પોલીસ દ્વારા તપાસ શરૂ કરવામા આવી છે.