તાપીમિત્ર ન્યુઝ,રાજપીપળા:નર્મદા જિલ્લા ના ડેડીયાપાડા ના કોળીવાડા પાસે આવેલી તરાવ નદી પાસે બળદ ચરાવવા ગયેલા કોળીવાડા નિશાળ ફળિયામાં રહેતા માનકાભાઈ મણિયાભાઈ વસાવા અને કલ્પેશ રડતીયા વસાવા નદી કિનારે પોતાના બળદ ચરાવતા હતા ત્યારે માનકાભાઈ વસાવા (ઉ.વ.58) નો નદીની ભેખડ પર થી પગ લપસી જતા એ નદીના ઊંડા પાણીમાં ડૂબવા લગતા બુમાબુમ કરી પરંતુ સાથી મિત્ર કલ્પેશ કઈ કરે એ પહેલાજ એ ઊંડા પાણીમાં ગરકાવ થઇ ગયા હતા,બનાવ અંગે પોલીસ અને રાજપીપળા પાલિકા ની ફાયર ટિમ ને જાણ કરવામાં આવી હતી જોકે વરસાદી વાતાવરણ અને સાંજના અંધારા માં રેસ્ક્યુ શક્ય ન હોવાના કારણે પાલિકાની ફાયર ટીમે શનિવારે સવારે બે કલાકના રેસ્ક્યુ બાદ માનકાભાઇનો મૃતદેહ  શોધી કાઢ્યો હતો,આગળની વધુ તપાસ ડેડીયાપાડા પોલીસે હાથ ધરી છે.