તાપીમિત્ર ન્યુઝ,સોનગઢ:સોનગઢના આમલપાડા ગામમાં બાઈક હંકારવા મુદ્દે ચાર જણા વચ્ચે થયેલી સામાન્ય બોલાચાલીમાં બાઈક સવાર બે અજાણ્યા ઈસમો પૈકી એક જણાએ રિવોલ્વર જેવા હથીયાર થી એક રાઉન્ડ હવામાં ફાયરીંગ કર્યો હતું જયારે બીજા રાઉન્ડના ફાયરીંગમાં એક શખ્સને પગમાં ગોળી મારી ફરાર થઇ ગયા હોવાની ઘટના સોનગઢ પોલીસ ચોપડે રજીસ્ટર થઇ છે,બનાવ અંગે પોલીસ દ્વારા સમગ્ર મામલે ઊંડાણ પૂર્વક તપાસ હાથ ધરવામાં આવી છે. તાપી જીલ્લાના અતિ છેવાડે આવેલ સોનગઢ તાલુકાના આમલપાડા ગામ ની સીમમાં તા.4 જુલાઈ નારોજ રાત્રે 8:00 કલાકના અરસામાં રાજુભાઈ છનાભાઈ વસાવા અને તેનો મિત્રો રૂસ્તમભાઈ કાઠાભાઈ વસાવા બંને જણા સેલટીપાડા ગામમાં આવેલ ખેતરમાં તુવેરનો પાક જોઈ બાઈક નંબર GJ-26-H-1832 પર સવાર થઇ ઘરે પરત ભરી રહ્યા હતા તે સમય દરમિયાન એક સફેદ કલરની અપાચી બાઈક પર સવાર બે અજાણ્યા ઇસમો પોતાના કબજાની બાઈક પુર ઝડપે હંકારી લાવી રાજુભાઈ વસાવાની બાઈક સામે લાવતા રાજુભાઈ અને રૂસ્તમભાઈ,બંને અજાણ્યા બાઈક સવાર ઈસમોને કહેલ કે,“કેમ તે મોટર સાયકલને વળાંકમાં પુર ઝડપે હંકારી અમારી મોટર સાયકલ સામે લાવેલ છો ? તમારા જેવા લોકોને લીધે નિર્દોષ લોકો એકસીડન્ટમાં મરી જાય છે.”તેમ કહેતા બંને અજાણ્યા ઈસમો એકદમ ઉશ્કેરાઈ જઈ “તુમ લોગ ક્યા કર લોગે”તેમ કહી રાજુભાઈ અને રૂસ્તમભાઈ સાથે ઝગડો કરી બંને અજાણ્યા ઈસમો પૈકી એક જણાએ તેની પાસેના રિવોલ્વર જેવા હથીયાર થી એક રાઉન્ડ હવામાં ફાયર કર્યું હતું તથા બીજો રાઉન્ડ રાજુભાઈ વસાવાને મારી નાંખવાના ઈરાદે ફાયર કર્યું હતું,જેમાં રાજુભાઈ ને જમણા પગના નળા ના ભાગે ગોળી મારી બાઈક સવાર બંને અજાણ્યા ઈસમો ફરાર થઇ ગયા હતા,રાજુભાઈ ને પગમાં ગોળી વાગવાથી ગંભીર રીતે ઈજા પહોંચી હતી તેમને સારવાર અર્થે પ્રથમ વ્યારા રેફરલ હોસ્પિટલમાં દાખલ કરવામાં આવ્યો હતા અને ત્યારબાદ વધુ સારવાર અર્થે નવી સિવિલ હોસ્પિટલ-સુરત ખાતે રીફર કરવામાં આવ્યો હતા,બનાવ અંગે રાજુભાઈ છનાભાઈ વસાવા રહે,ઝરીઆંબા,પટેલ ફળિયું-સોનગઢ નાઓએ આજરોજ સુરત ખાતે asi ને રૂબરૂમાં ફરિયાદ આપી હતી,આગળની વધુ તપાસ સોનગઢ પોલીસ સ્ટેશનના psi એન.એચ.પટેલ કરી રહ્યા છે.(સાંકેતિક તસ્વીર)