તાપીમિત્ર ન્યુઝ,નિઝર:નિઝર તાલુકાના વાંકા-સજીપુર થઈને જતો અને નંદુરબાર-તલોદા હાઇવે માર્ગ આવતું વાંકાં ગામમાં જવાનો રસ્તો વળાંક હોવાથી તેમજ બાજુમાં પ્રાથમિક શાળા આવેલ હોવાથી માર્ગની બંને તરફ ગતિ રોધક બનાવી આપવા માટે માર્ગ અને મકાન વિભાગ-તાપી ને વાંકાં ગ્રામ પંચાયત દ્વારા લેખિતમાં રજુઆત કરવામાં આવી છે. તાપી જિલ્લાની નિઝર તાલુકાના વાંકાં ગામ તરફ જવાનો માર્ગ વળાંક હોવાથી અહીંથી પસાર થતા ગ્રામજનો ને અકસ્માત થવાનો ભય સતાવી રહ્યો છે,વધુમાં ગામના વળાંક પાસે પ્રાથમિક શાળા આવેલ હોય શાળામાં ભણતા બાળકોના જીવને પણ જોખમ ઉભું થયું હોય,જેના કારણે ગામ પાસે માર્ગની બંને તરફ ગતિ રોધક બનાવી આપવા માટે માર્ગ અને મકાન વિભાગ-તાપી ને વાંકા ગ્રામ પંચાયત દ્વારા લેખિતમાં જાણ કરવામાં આવી છે.