તાપીમિત્ર ન્યુઝ,સોનગઢ:સોનગઢમાં તાજ હોટલ સામે સાસુ-સસરા અને જમાઈ વચ્ચે જાહેરમાં થયેલી બબાલમાં ત્રણ જણાને ઢીકામુક્કીનો મારમારી જાન થી મારી નાખવાની ધમકી આપી હોવાની ફરિયાદ સોનગઢ પોલીસ ચોપડે રજીસ્ટર થઈ છે. સોનગઢ માંથી પસાર થતો નેશનલ હાઇવે માર્ગ પર અડીને આવેલ તાજ હોટલ સામે તા.30મી જુન ના રોજ આશરે 5:00 કલાકના અરસામાં દિનેશભાઈ નામના ઇસમે વાઘનેરા ગામની યુવતી સાથે સિવિલ મેરેજ કર્યા હોય,જે બાબતનું યુવતીના માતા-પિતા દિલેશભાઈ ગામીત અને હેમલતા બેન ગામીતને મન દુઃખ થતા દિનેશભાઈ જોડે બોલાચાલી થઇ હતી તે સમય દરમિયાન ઘટના સ્થળે આવી પહોંચેલા અશ્વિનભાઈ અને તેનો મિત્રો ભરતભાઈ જોડે બોલાચાલી થયા બાદ જાહેરમાં ઢીક્કામુક્કીનો મારમારતા દ્રશ્યો સર્જાયા હતા અને જાન થી મારી નાંખવાની ધમકી આપી હતી.બનાવ અંગે અશ્વિનભાઈ ગોપાળભાઈ રહે,ઉકાઈ-વર્કશોપ કોલોની-ઝૂપડપટ્ટી પાસે નાએ સોનગઢ પોલીસ મથકે ફરિયાદ કરી છે,જેના આધારે દિલેશભાઈ અને હેમલતાબેન વિરૂધ્ધ ગુન્હો દાખલ કરી આગળની વધુ તપાસ HC તેજપાલસિંહ કરી રહ્યા છે.