તાપીમિત્ર ન્યુઝ,ડોલવણ:ડોલવણ ચાર રસ્તા પાસે ટ્રેક્ટર અને બાઈક વચ્ચે થયેલા અકસ્માતમાં માંડવી વિસ્તારના ત્રણ યુવકોને ગંભીર ઈજા પહોંચી હતી,સ્થાનિકોએ ઈમરજન્સી સેવા ૧૦૮ની મદદથી ઈજાગ્રસ્ત ત્રણેય યુવકોને વ્યારા ખાતે સરકારી હોસ્પિટલમાં સારવાર અર્થે ખસેડવામાં આવ્યા હતા. સ્થાનિક સુત્રો પાસેથી મળતી વિગતો મુજબ ડોલવણ ગામના ચાર રસ્તા પાસે તા.૨૮મી જુન નારોજ આશરે ૪:૦૦ કલાકના અરસામાં ટ્રેક્ટર અને બાઈક વચ્ચે અકસ્માત સર્જાયો હતો,જેમાં ત્રણ યુવકોને શરીરે ગંભીર ઈજા પહોંચતા ઘટના સ્થળ પર દોડી આવેલા સ્થાનિક લોકો અને રાહદારીઓ એ ઈજાગ્રસ્ત ત્રણેય યુવકોને ૧૦૮ સેવાની મદદથી નજીકની હોસ્પિટલ વ્યારા ખાતે સારવાર અર્થે ખસેડવામાં આવ્યા હતા.જ્યાં ત્રણેય ઈજાગ્રસ્ત યુવકોની સારવાર હાથ ધરવામાં આવી હતી,જેમાં અવિનાશભાઈ ચૌધરી(ઉ.વ.૧૮)રહે,બડતલ,તા-માંડવી ને માથાના ભાગે ગંભીર ઈજા પહોંચવાના કારણે વધુ સારવાર અર્થે સુરત ખાતે હોસ્પીટલમાં રીફર કરવામાં આવ્યો હોવાનું જાણવા મળ્યું છે,જયારે સૌરભભાઈ ચૌધરી (ઉ.વ.૨૦)રહે,બડતલ,તા-માંડવીને હાથના ભાગે ઈજા પહોંચી હતી તેમજ કૌશલભાઈ ચૌધરી(ઉ.વ.૨૦)રહે,બડતલ,તા-માંડવીને શરીરના ભાગે ઓછીવત્તી ઈજા પહોંચતી હોવાનું જાણવા મળ્યું છે,બનાવ અંગે અત્યાર સુધી પોલીસ ફરિયાદ નોંધાઈ નથી,ઈજાગ્રસ્ત ત્રણેય યુવકની ઓળખ અને ઘટનાની જાણ તેમના વાલીઓ સુધી પહોંચાડવા માટે અકસ્માતના ફોટા શોસિયલ મીડિયા પર ફરતા થયા હતા.