તાપીમિત્ર ન્યુઝ,વાલોડ:વાલોડના કણજોડ ગામની સીમ માંથી આજરોજ સવારે ઈંગ્લીશ દારૂનો જથ્થો ઝડપી પાડવામાં આવ્યો છે,તાપી જિલ્લા LCB પોલીસને મળેલ બાતમીના આધારે રૂપિયા ૨૮,૬૦૦/-નો ઈંગ્લીશ દારૂ ઝડપી પાડવામાં પોલીસ જવાનોને સફળતા મળી છે, પ્રાપ્ત માહિતી મુજબ તાપી જિલ્લા એલસીબી પોલીસના જવાનોએ આજરોજ વાલોડ તાલુકાના કણજોડ ગામ ની સીમ માંથી બાતમીના આધારે ઈંગ્લીશ દારૂ ઝડપી પડ્યો છે,જોકે આરોપી ઘટના સ્થળ પરથી નાસી છુટ્યો હોવાનું જાણવા મળ્યું છે,વડીયા ગામ તરફથી કણજોડ તરફ આવવાના પુલ નજીક રોડ પાસે નંબર વગરની એકટીવા મોટર સાયકલ પર લઇ જવાતો જુદીજુદી બ્રાંડનો ઈંગ્લીશ દારૂ કિંમત રૂપિયા ૨૮,૬૦૦/-,કુલ બાટલી નંગ ૩૪૪ જપ્ત કરવામાં આવી છે,જેમાં રોયલ સ્પેશીયલ ઓલ્ડ ડીલક્ષ વિસ્કી કુલ ૧૮૮ બોટલ,રોયલ સ્ટેજ ક્લાસિક વિસ્કી કુલ ૧૨ બાટલી,મેકડોલ નંબર-૧ રીર્ઝવ વિસ્કી ૧૪૪ બાટલી,દારૂની કુલ ૩૪૪ બાટલીઓ સાથે એકટીવા મોટર સાયકલ મળી કુલ રૂપિયા ૫૮,૬૦૦/-નો મુદ્દામાલ જપ્ત કરવામાં આવ્યો છે.બનાવ અંગે વાલોડ પોલીસ મથકે અહેકો જગદીશ જોરારામ(નોકરી,એલસીબી-તાપી)નાઓએ આપેલ ફરિયાદને આધારે ગુન્હો રજીસ્ટર કરી ઈંગ્લીશ દારૂનો જથ્થો મૂકી ફરાર થઈ જનાર વિપુલભાઈ ઉમેદભાઈ ચૌધરી રહે,ડુંગરી વજેસિંગ ફળિયું ને વોન્ટેડ જાહેર કરવામાં આવ્યો છે.