તાપીમિત્ર ન્યુઝ,વ્યારા:ડોલવણના પાઠકવાડી પાસેથી તા.૨૭મી જુન નારોજ,સ્ફોટક પદાર્થ સાથે પકડાયેલા જેકી ગુરજીભાઈ કોટવાડીયા(ઉ.વ.૨૪)રહે,ઉનાઈ-હરીજનવાસ,નામના શખ્સની કડક પૂછપરછ દરમિયાન તેના ઘરેથી વધુ સ્ફોટક પદાર્થ શોધી કાઢવામાં જિલ્લા એસઓજી પોલીસને સફળતા મળી છે,જેકી કોટવાળીયા ના ઘરેથી જીલેટીન ટોટા નંગ-૫૦ મળી આવ્યા હતા.તેમજ સ્ફોટક પદાર્થ આપનાર વોન્ટેડ સહઆરોપી ચીન્તુભાઈ બેજાભાઈ જાદવ રહે,પટેલ ફળિયું તા.ધરમપુર નાઓને પણ ઝડપી પાડવામાં સફળતા મળી છે,સ્ફોટક પદાર્થ મામલે અત્યાર સુધી બે આરોપીઓને જેલના સળિયા પાછળ ધકેલી દેવામાં આવ્યા છે.તેમજ સંડોવાયેલા આરોપીઓને શોધવા માટે ચક્રોગતિમાન કર્યા છે,આગળની વધુ તપાસ એસઓજી-તાપી પીઆઈ અંકિત સૌમેયા કરી રહ્યા છે