તાપીમિત્ર ન્યુઝ,સોનગઢ:સોનગઢ માંથી પસાર થતો નેશનલ હાઇવે માર્ગ ઉપર આજરોજ અજાણ્યાં વાહનની આડફેટમાં બાઈક સવાર પિતા-પુત્રને ગમખ્વાર અકસ્માત નડ્યો હતો.જેમાં પિતાનું ઘટના સ્થળ પર જ કમકમાટીભર્યુ મોટ નીપજ્યું હતું.જયારે પુત્રને ગંભીર ઇજા પહોંચતા વ્યારા જનરલ હોસ્પિટલ ખાતે સારવાર અર્થે ખસેડવામાં આવ્યો હતો. સોનગઢ તાલુકાની સિમ માંથી પસાર થતો નેશનલ હાઇવે નં-53 ઉપર આવતું સોનારપાડા ગામની હદમાં આજરોજ એક અજાણ્યા વાહનની આડફેટમાં બાઈક સવાર પિતા અને પુત્ર પ્રકાશભાઈ ગમનભાઈ ગામીત અને આકાશકુમાર પ્રકાશભાઈ ગામીત બંને રહે,ગાયવાડા ફળિયું-ડોસવાડા નાઓને અકસ્માત નડ્યો હતો.જેમાં પ્રકાશભાઈ ગામીતનું ઘટના સ્થળ પરજ કમકમાટી ભર્યું મોત નીપજ્યું હતું.જ્યારે આકાશ કુમાર ગામીત (ઉ.વ.15)ને ડાબા પગે ફેક્ચર અને શરીરે ઇજા પહોંચતા વ્યારા જનરલ હોસ્પિટલ ખાતે સારવાર અર્થે ખસેડવામાં આવ્યો હતો.બનાવ અંગે સોનગઢ પોલીસ દ્વારા તપાસ હાથ ધરવામાં આવી છે.