સાબરકાંઠા જિલ્લાના હિંમતનગર નજીક ઇડર હાઇવે ઉપર ગમખ્વાર અકસ્માત સર્જાયાના અહેવાલ મળ્યાં છે. જેમાં 4 લોકોના કરૂણ મોત થયાની માહિતી મળી રહી છે. સુત્રો પાસેથી મળતી માહિતી મુજબ, એક બેફામ ટ્રક ચાલકે કારને અડફેટે લેતા એક જ પરિવારનાં 4 લોકોના ઘટના સ્થળે જ કમકમાટી ભર્યા મોત થયા હતા. મૃતકોમાં એક ડૉક્ટરના પરિવારના સભ્યો સામે હોવાનું સામે આવ્યું છે. ડોક્ટર પરિવાર બર્થ ડે પાર્ટીમાંથી પરત ફરી રહ્યો હતો ત્યારે આ ગોઝારો અકસ્માત સર્જાયો હતો. નોંધનીય છે કે, રોડ સમારકામની કામગીરીને કારણે છેલ્લાં એક અઠવાડિયામાં આજ રોડ પર 5 અકસ્માત થયા છે ત્યારે ધીમા કામકાજ બદલ લોકોએ હાઇવે ઓથોરિટી સામે પણ રોષ વ્યક્ત કર્યો છે.