તાપીમિત્ર ન્યુઝ,સોનગઢ:સોનગઢના બોરદા-આમલપાડા ગામની સીમમાં એક ટ્રેક્ટર પલટી ખાતા ચાલકનું ઘટના સ્થળે કમકમાટીભર્યું મોત નીપજ્યું હતું.જયારે અન્ય બે જણા ને શરીરે ઓછીવત્તી ઈજા પહોંચતા નજીકના આરોગ્ય કેન્દ્રમાં સારવાર હેઠળ ખસેડવામાં આવ્યા હતા, સ્થાનિક સુત્રો પાસેથી મળતી માહિતી અનુસાર:સોનગઢ તાલુકાના અંતરિયાળ વિસ્તારમાં આવેલ બોરદા-આમલપાડા ગામની સીમમાં તા.22મી નારોજ એક ટ્રેક્ટર પલટી ખાતા ટ્રેક્ટર ચાલક વિપુલભાઇ ભીમસિંગભાઈ વસાવા રહે,નિશાળફળિયું બોરદા-સોનગઢનું ઘટના સ્થળે કમકમાટીભર્યું મોત નીપજ્યું હતું.જયારે ટ્રેક્ટર પર સાવર અન્ય બે જણા રમેશભાઈ કાથુડીયાભાઈ વસાવા રહે,આશ્રમફળિયું બોરદા-સોનગઢ અને કૌશિકભાઈ જેવંતિયાભાઈ વસાવા રહે,નિશાળફળિયું બોરદા-સોનગઢ બંને જણાને શરીરે ઓછીવત્તી ઈજાઓ પહોંચતા ગામના આરોગ્ય કેન્દ્ર ખાતે સારવાર હેઠળ ખસેડવામાં આવ્યા હતા.ત્યારબાદ રમેશભાઈ વસાવાને વધુ સારવાર અર્થે આરોગ્ય કેન્દ્રની એમ્બ્યુલન્સની મદદથી સોનગઢ ખાતે હોસ્પીટલમાં ખસેડવામાં આવ્યા હતા.ઘટના જાણ પોલીસ થતા સ્થળ પર પહોંચી તપાસ હાથ ધરી હતી.