યુપીના હાથરસ માં બનેલી બળાત્કારની ઘટનાએ સમગ્ર દેશને હચમચાવી મૂક્યો છે ત્યારે સમગ્ર દેશમાં રોષ ફાટી નીકળ્યો છે લોકો આરોપી ઓને ફાંસીની સજા થાય તેવી માગણી કરી રહ્યા છે ઉપરાંત તંત્ર દ્વારા આરોપીઓને બચાવવા ની તેમજ પીડિતાના પરિવારને હેરાન કરવાની ઘટનાઓ સામે આવી રહી છે ત્યારે લોકોમાં ઉગ્ર રોષની લાગણી જોવા મળી રહી છે ત્યારે નર્મદા જિલ્લાના રાજપીપળા ખાતે સ્વયં સૈનિક દળ ધરણા કરી પીડિતા ના પરિવાને ન્યાય મળે તેવી માંગ કરી છે.

હાલ દેશમાં વિવિધ જગ્યાઓએ બનીરહેલ અત્યાચારોની ઘટના બાદ બહુજન સમાજ માં રોષની લાગણી ફેલાઇ છે ત્યારે આજે બહુજન સમાજ ના સ્વયં સૈનિક દળ દ્વારા રાજ્યવ્યાપી ધરણા નો કાર્યક્રમ રાખવામાં આવ્યો હતો જે અંતર્ગત રાજપીપળા કલેકટર કચેરી ખાતે પણ બહુજન સમાજ ના અગેવાનો દ્વારા ધરણાનો કાર્યક્રમ રાખવામાં આવ્યો હતો.

આ બાબતે આગેવાન નરેશ બુજેઠાએ જણાવ્યું હતું કે બહુજન સમાજ સામે વધી રહેલ અત્યાચારો બંધ થાય તેમજ હાથરસ માં બનેલી ઘટના માં પીડિતા ના પરિવાર ને ન્યાય મળે અને આરોપીઓ ને સખત સજા થાય તેવી માંગ કરાઈ હતી.(ભરત શાહ દ્વારા રાજપીપળા)