વલસાડના કપરાડા તાલુકાના મોટાપોંઢાના ઓમકચ્છ ડુંગરી ફળિયા ખાતે રહેતા ૩૮ વર્ષીય જયેશભાઈ મગજીભાઈ પટેલ તા.૩૦ જૂનના રોજ બપોરે ૧૨-૦૦ વાગ્યાના સુમારે પોતાના ઘરેથી કોઈને કંઇ પણ કહ્યા વિના કશે જતા રહ્યા હતા અને આજદિન સુધી પરત આવ્યા નથી. ગુમ થનારના પત્નીએ છેલ્લે આ સમય દરમિયાન એમને મોટાપોંઢાથી પસાર થતી રાતા ખાડીના પુલ ઉપરથી જોયા હતા. તેમની શોધખોળ કરતા પણ મળી આવ્યા નહોતા.

ગુમ થનારે સફેદ કલરનુ શર્ટ, હાફ પેન્ટ અને સાદી ચપ્પલ પહેરેલી છે. જે શરીરે પાતળો બાંધો, ઘઉંવર્ણ અને આશરે ૫ ફૂટ ઉંચાઈ ધરાવે છે. તેમને જમણા હાથના ખભાના અને છાતીના ભાગે દાઝેલાનું નિશાન છે. જેઓ ગુજરાતી, હિન્દી અને કોંકણી ભાષા જાણે તથા બોલે છે. ગુમ થનાર જયેશભાઈની કોઈને ભાળ મળે તો નાનાપોંઢા પોલીસ સ્ટેશનનો ટે.નં.૦૨૬૩૩-૨૫૦૧૦૦ અને મો-૬૩૫૪૯૬૪૬૫૬ ઉપર સંપર્ક કરવા અખબારી યાદીમાં જણાવાયું છે.