તાપીમિત્ર ન્યુઝ,સોનગઢ:સોનગઢના જમાદાર ફળીયામાં ચાલતા જુગારના અડ્ડા ઉપર આરઆરસેલ-સુરતની ટીમે દરોડા પાડી જુગારના સાધનો અને રોકડ રકમ સાથે એક શખ્સની અટક કરી જેલના સળિયા પાછળ ધકેલી દેવામાં આવ્યો છે,જયારે બે જણાને પોલીસ ચોપડે ફરાર જાહેર કરવામાં આવ્યા છે. સોનગઢ નગરના જમાદાર ફળીયામાં આવેલ છાત્રાલય પાછળ તા.20મી જુન નારોજ,આરઆરસેલ-સુરતની ટીમે જુગારના અડ્ડા પર દરોડા પડ્યા હતા જેમાં રાજુભાઈ રામજીભાઈ કોંકણી રહે,છાત્રાલય પાછળ,જમાદાર ફળિયુંને જુગારના સાધનો સાથે ઝડપી પાડ્યા હતા.વરલી મટકાના નીકળતા અંકો ઉપર પૈસા વતી લગાઈ લઇ હારજીતનો જુગાર રમી રમાડતા રોકડ રૂપિયા 3910/-,અને એક મોબાઈલ ફોન રૂ.10,000/- મળી કુલ રૂ.13,910/-નો મુદ્દામાલ જપ્ત કર્યો હતો,તપાસ દરમિયાન જગદીશભાઈ અને ભાવેશભાઈ જગદીશભાઈનું નામ ખુલતા સોનગઢ પોલીસ મથકે જુગારધારા હેઠળ ગુન્હો રજીસ્ટર કરી બંને જણાને વોન્ટેડ જાહેર કરવામાં આવ્યા હતા.આગળની વધુ તપાસ HC વિપુલ હરગોવન કરી રહ્યા છે.(ફાઈલ તસ્વીર)