કોરોના મહામારી (કોવિડ-19)ના સંક્રમણને રોકવા માટે સરકારશ્રીની સુચનાઓનું નવસારી જિલ્લામાં ચુસ્તપણે પાલન થાય તે માટે જિલ્લા વહીવટીતંત્ર દ્વારા ગંભીરતાથી વિવિધ કામગીરી કરવામાં આવી રહી છે. જે અનુસંધાને જિલ્લામાં અત્યાર સુધી કોરોના મહામારીના શંકાસ્પદ વ્યક્તિઓના 57877 જેટલા સેમ્પલ લેવામાં આવ્યા છે.

જિલ્લામાં આજે નવા 11 કેસ નોંધાયા છે. આજદિન સુધીમાં કુલ 1157 પોઝીટીવ કેસો નોંધાયા છે. જિલ્લામાં કુલ 75 કેસ કોવીડ હોસ્પીટલમાં ઍક્ટીવ કેસ છે. 983 દર્દીઓને રજા આપવામાં આવી છે. કોરોનાથી આજદિન સુધીમાં 99 વ્યકિતઓનું મૃત્યુ થયું છે.