નર્મદા જિલ્લાના નાંદોદ તાલુકા ના ભદામ ગામ ની કરજણ નદી માં સોમવારે નાહવા પડેલા પાંચ બાળકો પૈકી 2 બાળકો પાણીમાં ગરકાવ થયા બાદ તેમની શોધખોળ કરાઈ હતી. જોકે સોમવારે સાંજે અંધારું થઈ જતા ફાયર ટિમ પરત ફર્યા બાદ મંગળવારે સવાર થી પાલિકા ની ફાયર ટિમેં બોટ મારફતે પણ બે બાળકો ની શોધખોળ શરૂ કરી હતી છતાં સાંજ સુધી કોઈ પત્તો લાગ્યો ન હોય બાળકોના પરિવાર માં ચિંતા નું મોજું ફરી વળ્યું હતું. ત્યારે જો આજે બાળકો ની બીજા દિવસે ભાળ ન મળે તો ત્રીજા દિવસે એટલે કે બુધવારે પાણી માંથી આપોઆપ મૃતદેહ બહાર આવી જશે તેવી અટકળો પણ સ્થાનિકો માં સંભળાઈ રહી હતી.(ભરત શાહ દ્વારા રાજપીપળા)